rbb-serbki program a Łužyca

Serbski program

Dolnoserbski rozgłosowy program Bramborskego serbskego radija se producěrujo w Chóśebuskem studiju rbb. Wón pódawa pśisłucharjam za tyźeń jadnasćo a poł góźinow zajmne wusćełanja – informatiwne a rozwjaselece – wó historiji, kulturje a wó wšednem žywjenju a źěle Serbow w dokumentacijach, featurach, reportažach, słuchograśach, portrejach, w literaturje a muzice. K tomu pśidu teke cerkwine wusćełanja, magaciny, kubłańske programy, źiśece a młoźinske wusćełanja.

ŁUŽYCA

Wót 1992 se wusćeła telewizijny program "ŁUŽYCA" w dolnoserbskej rěcy z nimskimi pódtitulami jaden raz w mjasecu. Se pokazuju pśinoski ku kulturje, wšednemu dnjoju, nałogam a tradicionelnemu rucnikarstwoju Serbow. Tuchylnej moderatora stej Christian Matthée und Anja Pohončowa.